ЭКОЛОГИЯЛЫҚ ЖАҒДАЙДЫ ТЕКСЕРУГЕ АРНАЛҒАН КЕЗЕКТІ ІССАПАР 

Біздің маман, қауіпсіздік және қоршаған ортаны қорғау инженері Мақсат Мухаматов Алматы қаласына қарасты Боралдай ауылында орналасқан «Альтаир Эйр» ЖШС аэродромына жұмыс сапарымен барды. Жоғары біліктілігі мен тәжірибесі зор Мақсат аэродромның санитарлық-қорғау аймағының (СҚА) шекарасында атмосфералық ауа мен шу деңгейін далалық өлшеу жұмыстарын сәтті орындады.

Жұмысты өлшеудің барлық кезеңдерінде 

әуежай қызметкері көмектесті. Мақсат барлық көрсетілген жерлерде өлшеу жұмыстарын жүргізді, бұл аэродромның қоршаған ортаға әсер ету деңгейін бағалауға мүмкіндік берді. Өлшеу нәтижелері атмосфералық ауадағы ластаушы заттардың мөлшері, сондай-ақ шу деңгейі рұқсат етілген шекте екенін көрсетті. Асып кету анықталған жоқ.

Бұдан бөлек, Мақсат аэродром маңында тұратын тұрғындар арасында сауалнама жүргізді. Сауалнама әуе кемелерінің шуына және шығарындылардың денсаулыққа ықтимал әсерлеріне қатысты шағымдарды анықтауға бағытталған. Тұрғындар аэродром жұмысынан қандай да бір жайсыздықты немесе жағымсыз әсерді айтпады, бұл қоршаған ортаға әсердің төмен деңгейін растайды.

Соңында талдау негізінде «Альтаир Эйр» ЖШС үшін санитарлық-қорғау аймағының жобасы әзірленді. Жобада санитарлық ережелердің барлық талаптары ескеріліп, айналадағы тұрғындардың қауіпсіздігіне кепілдік беріледі. Біз кәсіпорынды экологиялық стандарттарға сәйкес дамыту үшін кәсіби шешім ұсына отырып, аэродромның экологиялық қауіпсіздігін қамтамасыз етуге үлес қоса алғанымызды мақтан тұтамыз.

Осылайша, «Жасыл мекен» ЖШС табиғатты қорғау жобаларын жүзеге асыруда, өңірдің тұрақты дамуы мен өмір сүру сапасын арттыруда өз құзыреттілігін тағы бір рет паш етті. Біз кез келген жұмысқа дайынбыз және әрқашан қоғам мен табиғат игілігі үшін экологиялық қауіпсіздіктің жоғары деңгейіне қол жеткізуге ұмтыламыз.